شرح صفحات عداد كهرباء الجيزة باور عداد كودى
شرح صفحات عداد الكهرباء الذكي (المدفوع مقدمًا) لتوفير الاستهلاك وتنظيمه
عشان تقدر توفر في استهلاك الكهرباء أو تعرف تنظم استهلاكك، لازم تفهم صفحات العداد. في بعض الصفحات هتقدر من خلالها تتحكم في استهلاكك وتوفر في استهلاك الكهرباء وتعرف معدل استهلاكك اليومي. كل حاجة إن شاء الله هتعرفها في الشرح ده. تابع الشرح للآخر.
الصفحة الافتراضية (بدون الضغط على أي زرار):
الصفحة الافتراضية (بدون الضغط على أي زرار):
- العداد بيعرض الصفحة دي أوتوماتيك (النوع ده بس، مثل عداد جيزة بار).
- بيقول لك: انت معاك رصيد 221 جنيه.
- بعد كده: هيقول لك انت وصلت للشريحة الأولى.
- بعد كده: هيجيب لك سعر الشريحة الأولى 68 قرش (سعر الكيلو فيها بـ68 قرش).
- بعد كده: المتبقي بالكيلو: 235 كيلو.
- الصفحة دي اسمها صفحة فرعية، بيعرضها بدون ما تدوس على أي زرار، وده عادي يعني.
- أول ضغطة أو رقم الصفحة رقم واحد.
- ده رقم العداد أو رقم الشاسيه.
- كود المشترك أو رقم حساب المشترك.
- الاستهلاك الإجمالي بالكيلو وات من أول يوم تشغيل العداد لحد دلوقتي (مثال: 486 كيلو).
- استهلاك الشهر الحالي واستهلاك 12 شهر سابق.
- أول ما بتجيب الصفحة رقم 4: بتظهر لك استهلاك الشهر الحالي لحد الآن (يعني من يوم 1 لحد الآن، مثال: استهلك 8 كيلو).
- الصفحة دي مهمة لأن من خلالها تقدر تعرف معدل استهلاكك اليومي (يعني النهارده 8 كيلو، لو جيت بكرة ممكن يبقى 9 كيلو، يبقى معدل استهلاكك 1 كيلو في اليوم).
- الصفحة دي مهمة برده عشان لو حبيت تشحن بمبلغ يكفيك الشهر بالكامل بدل ما تشحن كل أسبوع.
- هتعرض لك استهلاك الشهر السابق اللي بناءً عليها تشحن عشان الرصيد يشغلك الشهر بالكامل.
- طريقة الوصول للاستهلاك السابق: هنيجي قدام الصفحة دي وهندوس على الزرار اللي تحت لمدة 5 ثواني، هينقلك على صفحة فرعية.
- بعد ما دوست: ظهر لك 6 جنيه و44 قرش (يعني الـ8 كيلو قيمتهم 6 جنيه و44 قرش).
- بعد كده هندوس كمان ضغطة عشان نجيب استهلاك الشهر السابق: ظهر لك سالب 2 وجنبها واحد، وبعد كده الاستهلاك 293 (ده استهلاك الشهر السابق بالكيلو، بالفلوس 345 جنيه).
- انت بقى لو شحنت بالمبلغ دوت 345 جنيه هيكفي الشهر بالكامل لأن هو معدل استهلاكك هيبقى زي ما هو (ممكن يختلف الصيف عن الشتاء بس الفرق مش هيبقى كبير).
- عشان انت لما بتشحن كل أسبوع أو كل فترة بتلاقي إن في مبلغ اتحسب منك، فالأفضل اشحن بمبلغ يكفيك شهر قدام.
- بعد كده هندوس كمان ضغطة عشان نجيب استهلاك الشهر اللي قبله: مكتوب 2 و449 كيلو، بالفلوس 630 جنيه، وهكذا.
- الصفحة دي بتعرض لك استهلاك الشهر الحالي و12 شهر سابق.
- هندوس ضغطة مطولة عشان نروح للصفحة رقم 5.
- الوقت والتاريخ.
- دول مهمين إن انت تشاك عليهم لأن بيكون في حاجة اسمها "الوقت الصديق".
- لو الرصيد اللي معاك خلص، الكهرباء ما تقطعش عليك حتى لو ما فيش رصيد، هتحط الكارت في العداد هتلاقيه استلف لحد ما انت مثلاً تروح تشحن (يعني أيام إجازات رسمية أو يوم جمعة أو الوقت متأخر عليك ومش عارف تشحن).
- فالأفضل إن انت تشيك عليهم، لو الوقت والتاريخ مش مظبوط بتروح الشركة بيبعت معاك فني بالكارت الخاص به لتحديث الوقت والتاريخ.
- كود النشاط: مكتوب قدامنا 1 (معنى كده إن هو منزلي بس ده مش أكيد).
- لأن عندك ثلاث أنواع من كود النشاط: عداد شريحة موحدة، وعداد منزلي زي اللي قدامنا ده، وقوة محركة، وعداد تجاري.
- فدول كلهم بيختلفوا في الأسعار، بس الصفحات اللي جاية هتعرفنا إن كان بيتحاسب كودي ولا منزلي ولا تجاري. تابع معانا الشرح للآخر.
- مكتوب 27 يعني انت شحنت العداد ده 27 مرة.
- هندوس لمدة 5 ثواني على الزرار اللي تحت: هينقلك على صفحة فرعية.
- هتجيب لك المبلغ اللي انت شحنت بيه من أول يوم استهلاك للعداد لحد الآن: شحنت بـ7127 جنيه (ده الر vandaيد اللي العداد استخدمه من أول يوم تركيب للعداد لحد الآن).
- هندوس على الزرار اللي فوق لمدة 5 ثواني عشان نروح للصفحة رقم 9.
- تاريخ آخر شحنة: 24/2/2025.
- مكتوب 392 يعني الباقي اللي هو الفلوس اللي موجودة دلوقتي في العداد تكفي فيك لمدة 392 يوم (لأن هو كاتب كده لأن العداد غير مستخدم يعني ما فيش أحمال في المكان).
- فعشان كده كاتب 392 يوم، انت لو عندك مثلاً ممكن يظهر لك 13 أو 15 يوم، ممكن يقل أو ممكن يزيد على حسب استخدامك.
- بيقول لك معدل الكيلوات: بيقول لك من صفر لحد 50 دي شريحة أولى.
- هندوس لمدة 5 ثواني على الزرار لتحت: هينقل لنا يقول لنا الشريحة الثانية لحد الـ100 كيلو، والثالثة لحد الـ200، وهكذا لحد الشريحة السابعة.
- اللي هي المهمة دي، هنعرف من خلالها كود نشاط العداد.
- هيظهر لك لو ظهر لك 68 زي ما قدامنا كده يبقى ده عداد منزلي قانوني.
- لو ظهر لك 2 جنيه و14 قرش يبقى ده عداد كودي.
- لو ظهر لك 85 قرش يبقى ده عداد تجاري.
- صفحة دي اللي بنعرف من خلالها برمجة الأسعار في العداد نفسه.
- هنيجي قدامها وندوس على الزرار لتحت لمدة 5 ثواني: بتعرض لك برمجة الأسعار على الشرائح نفسها.
- هننزل: بيقول لك الشريحة الثانية بـ78، الثالثة 95، الرابعة بـ155، وهكذا لحد الشريحة السابعة بـ2 جنيه 23 قرش.
- مكتوب 10 جنيه يعني لمبة الإنذار هتديك تنبيه أو هتنور وتطفي لما الرصيد يوصل 10 جنيه عشان تنبهك إن انت تشحن.
- لو لمبة الإنذار اللي فوق على اليمين دي بتنور وبتطفي يبقى كده بينبهك إن انت تشحن لأن العداد هيبقى فيه 10 جنيه أو أقل.
- طيب هي لو منورة وثابتة يبقى كده العداد استلف.
- مكتوب قدامنا 37.7 أمبير يعني ده أقصى حمل العداد وصل له بالأمبير.
- هندوس ضغطة مطولة عشان نعرف وقت وتاريخ حدوثه.
- ليه؟ لأن العداد ده بيسجل أي حاجة بتحصل في العداد.
- بيقول لك أقصى حمل العداد وصل له بالتاريخ يوم 29/12/2024 (يعني العداد بيسجل كل حاجة زي ما احنا شايفين وبيعرفك أقصى حمل العداد وصل له بالتاريخ وبالوقت كمان).
- الديون بالجنيه.
- يعني لو العداد استلف منك رصيد ولمبة الإنذار ثابتة، هتجيب الصفحة دي تعرض لك الرصيد اللي انت استلفته عشان ما تتفاجئ وانت جاي تشحن يقول لك انت ادفع مبلغ كذا أو مبلغ أكبر من كذا.
- فانت هات الصفحة دي واعرف انت استلفت كام.
- لما تلاقي لمبة الإنذار ثابتة، الديون دي بتعرض لك الرصيد المستلف فقط، إنما ديون على العداد (غرامة على العداد أي حاجة) دي بتعرفها من الشركة.
- عدد مرات زيادة الأحمال.
- يعني لو العداد عدد 80 أمبير، الأحمال اللي عندك عدت 80 أمبير هيسجل معاك في الصفحة دي ويجيب لك أرقام.
- لو أحمال العداد عدت الـ80 أمبير، العداد هيفصل مرة ينبهك، بعد كده يرجع يشتغل تاني لمدة ثلاث مرات، بعد كده هتضطر إن انت تكلم الشركة عشان ترجع لك التيار.
- عدد مرات فتح غطا الروزيتا وبيجيبها بالوقت والتاريخ.
- يعني لو العداد اتفك أي وقت بيسجلها لك بالوقت والتاريخ.
- بيعرضها زي ما قدامنا مكتوب صفر يعني كده ما فيش أي مشكلة.
- بتسجل عدد مرات فتح الغطاء.
- وزي ما قدامنا مكتوب صفر يعني لو الغطا بتاع العداد ده اتفك بتسجل أرقام في الصفحة رقم 18.
- عدد تلاعب الأرضي.
- سجله أرقام مرتين (دي ممكن تبقى في موتور مياه مشترك أو في حاجة في مفاتيح الفصل والتوصيل أو على الجرس مثلاً في مشكلة).
- الصفحة دي بتسجل الأرقام دي.
- أهم حاجة طالما العداد بينقل من شريحة لشريحة وبيسحب من الرصيد وما عندكش أي توصيلات مخالفة، ما تقلقش أي منها حتى لو فيها أرقام.
- عدد عكس التيار.
- زي ما قدامنا مكتوب صفر.
- طيب والعداد اللي قدامنا الثاني ده مكتوب فيه مرات عكس التيار.
- لو ظهر عندك أرقام والأرقام دي بتزيد يبقى كده اعرف إن في عكس تيار عندك ولازم نبدل الفازات من الخارج (السلك الأرضي بقى مكان الكهرباء والكهرباء بقى مكان الأرضي).
- طالما الأرقام عندك ثابتة وما بتزيدش ما فيش أي مشكلة، ولو صفر زي ما هي كده يبقى تمام وما فيش برده أي مشكلة.
- دي بتاعة المفتاح الفصل والتوصيل.
- وزي ما قدامنا مكتوب صفر.
- ده الفولت الحالي اللي واصل للعداد (واتكلمنا عنها كتير).
- إن الصفحة دي برده مهمة.
- ده كده صفحة الأمبير وأمبير الوجه وأمبير اللي هو الأرضي.
- مكتوب 80 أمبير ده أقصى حمل العداد متبرمج عليه (اللي هو 80 أمبير).
- دي حالة الكونتاكتور: مكتوب كلوس يعني مغلق.
- طيب لو مكتوبة أوبن عندك يبقى كده الغطاء مفتوح، حاول تفصل الكهرباء وترجع تشغلها تاني.
- لو استمرت كلمة أوبن كده يبقى في مشكلة (واتكلمنا عن الموضوع دي قبل كده في فيديوهات سابقة).
ليست هناك تعليقات:
إرسال تعليق